Arrestohen në Angli tre nga gjashtë të dyshuarit për vrasjen e Ardian Nikulajt

Janë arrestuar tre prej autorëve të dyshuar të vrasjes së biznesmenit Ardian Nikulaj, arrestimi i tyre ka ndodhur në Angli.

Policia e Shtetit përmes një njoftimi për media njofton se falë bashkëpunimit të informacionit në kohë, policia britanike mundi ta lokalizojë vendodhjen e tyre, transmeton Telegrafi.

“Falë bashkëpunimit të ngushtë mes Policisë shqiptare dhe asaj britanike, pas shkëmbimit të informacionit, lokalizohen dhe kapen në Londër, 3 prej autorëve të dyshuar të vrasjes së biznesmenit Ardian Nikulaj. Në vijim të veprimeve të thelluara hetimore dhe kërkimore, për lokalizimin dhe kapjen e personave të shpallur në kërkim për vrasjen e 51-vjeçarit Ardian Nikulaj, falë shkëmbimit të informacionit në kohë, Policia britanike mundi të lokalizojë në Londër, të kapë dhe të vërë në pranga, me qëllim ekstradimin drejt Shqipërisë, 3 prej shtetasve të shpallur në kërkim, konkretisht shtetasit E. H., Th. M. dhe S. H”, thuhet në njoftim.

Lexo po ashtu Pamje të rënda, ky është momenti kur qëllohet me breshëri plumbash biznesmeni në Shëngjin

Policia e Shtetit tutje njofton se “vijon intensivisht punën, në bashkëpunim të ngushtë me partnerët për lokalizimin dhe kapjen e personave të tjerë të shpallur në kërkim në lidhje me ngjarjen”.

Biznesmeni Ardian Nikulaj është vrarë para disa ditësh në lokalin e tij. /Telegrafi/