Argjend Mustafa e sqaron konfliktin verbal me Blerand Kurtishajn

Trepça ’89 dhe Drenica barazuan në kuadër të xhiros së nëntë të Superligës, me shifrat 1:1, në ndeshjen e zhvilluar në stadiumin ‘Bajram Aliu’ në Skënderaj.

Një ngjarje jo shumë e zakonshme ndodhi në pjesën e parë te Trepça ’89.

Mesfushori Argjent Mustafa dhe sulmuesi Blerand Kurtishaj, patën një konflikt të ashpër verbal derisa gjyqtari Bajram Gashi, i ndëshkoi të dy me kartonë të verdhë.

Deri në ato momente, ’89-shi dominonte në fushë madje ishte duke fituar me rezultat 1:0. Por, konflikti verbal Mustafa – Kurtishaj ndoshta bëri që loja e kësaj të zbehej. Në fund të takimit, Kurtishaj u ndëshkua edhe me kartonë të kuq.

Lidhur me këtë rast, flet trajneri i Trepçës ’89, Arsim Thaqi. “Nuk mund t’i kuptojë aty dy lojtarë. Ata kanë ardhur nga Suhareka, jetojnë në një banesë dhe nuk e di se pse reaguan ashtu në ndeshje. Kjo është hera e parë që më ndodhë një gjë e tillë te Trepça ’89. Secili do të jep përgjegjësi para klubit si për cilësi, si për edukatë dhe gjithçka tjetër. Ne e kemi një rregullore për sjelle në klub dhe besoj se atë do ta zbatojmë”, deklaroi Arsim Thaqi, për Gazetaolle.com.

Reagon Mustafa

Mesfushori Argjend Mustafa, ka reaguar lidhur me rastin në fjalë. “Unë me Blerandin njihemi tash e shumë kohë dhe në fushe shpesh komunikojmë me ato tone. Gjyqtari Bajram Gashi, di shpesh të bëjë këso gjëra dhe na ndëshkoi me kartonë të verdhë. Blerandi mbetet shoku im më i mirë dhe me vjen keq që morëm kartonë në atë mënyrë”, ishte reagimi i Argjend Mustafës për Gazetaolle.com.