Ardhja e Ronaldos në Arabinë Saudite ka frymëzuar futbollistë të rinj dhe të vjetër

Shifrat rreth transferimit të Cristiano Ronaldos te Al-Nassr do t’i thyente mendjen kujtdo, me nënshkrimin e një kontrate me vlerë 200 milionë euro në sezon me atë që nuk është as skuadra më e suksesshme në provincën e Riadit.

Megjithatë, në anën tjetër të kompleksit sportiv të skuadrës së re të CR7, të ndarë mezi nga një mur i vogël dhe mbetjet e një gardhi metalik, janë disa fusha të pista, një top dhe një lojë.

Ngazëllimi i ardhjes së Ronaldos është i pranishëm me çdo goditje të topit dhe çdo festë të fëmijëve dhe të rriturve që luajnë futboll rreth kompleksit sportiv të Al-Nassr.

Tifozët e Al-Hilal do t’ju kujtojnë se cila është skuadra më e suksesshme në Riad dhe Arabinë Saudite, me katër tituj të Ligës së Kampionëve, por Al-Nassr, të cilët nuk e kanë as titullin e ligës në kabinetin e tyre të trofeve, tashmë po bëjnë të gjithë Arabinë të ëndërroj.

🧒⚽ Fútbol al otro lado de la valla

🇸🇦 A unos metros de la ciudad deportiva del @AlNassrFC, en campos de tierra, un balón y ganas (¿para qué más?), pequeños y grandes muestran ilusión por la llegada de @Cristiano

🎙 @albertobenitez y @JLAllegue92
https://t.co/BHw0Ke3vUv

— MARCA (@marca) January 12, 2023

Gazeta MARCA përfitoi nga një pushim për të shikuar një ndeshje në fushën e dheut pranë kompleksit sportiv dhe për të biseduar me lojtarët e rinj dhe të vjetër.

“Unë kam qenë tifoz i Al-Hilal që kur kam qenë fëmijë, por lojtari im i preferuar është Cristiano”, ka thënë 28-vjeçari Farid, i cili sapo kishte shënuar një gol dhe festoi me “Siuuuuu!”.

“Mendoj se ardhja e Cristiano Ronaldos është e mirë për të gjithë vendin dhe gjithashtu për t’i treguar Azinë botës”, përfundoi ai.

Pranë golit shtrihet një grumbull mbathjesh dhe sandalesh.

“Më mirë të luash këmbëzbathur, që të mos rrëshqasësh”, ka thënë Muhammad Eabdu, 16 vjeç, i cili me mjeshtëri kërkoi mikrofonin MARCA sepse “do të donte të bëhej gazetar”.

Ai prezantoi shokët e skuadrës, rrëfeu shfaqjet dhe transmetoi pasionin e tij për atë që po ndodh në futbollin arab me ardhjen e Ronaldos .

“Të gjithë në Evropë dhe Amerikë po flasin për Al-Nassr dhe ligën e Arabisë Saudite pas nënshkrimit të Cristiano. Është një mundësi e shkëlqyer për botën që të na njohë”, rrëfeu Eabdu i emocionuar.

Për ironi, tifozi i ri e tha këtë teksa kishte veshur një fanellë të Argjentinës.

“Më pëlqen shumë Messi, sepse e dua La Ligan. I njoh të gjitha skuadrat dhe e ndjek nga këtu. Uroj që të ketë lojtarë nga vendi im në Spanjë”, përfundoi ai.

Ndeshja u kthye shpejt në një ‘seancë stërvitore’ goditjesh këndore dhe përfundimesh. Një lloj sfide ‘cross and score’ apo “harkim dhe shënim”. /Telegrafi/