Arbenit Xhemajli humb sezonin me Sunderlandin, pëson dëmtim të rëndë në gju

Klubi i Sunderland e ka konfirmuar se Arbenit Xhemajli nuk do të jetë pjesë e skuadrës për pjesën e mbetur të sezonit 2020-21, për shkak të një dëmtimi të rëndë në gju.

Mbrojtësi, i cili u transferua në klubin anglez në shtator, pësoi një dëmtim sa ishte në grumbullim me Kosovën U21 dhe do ta mbajë jashtë për një afat të gjatë.

Trajneri i Sunderland, Phil Parkinson, është shprehur me zhgënjim për këtë lajm, por ka thënë se do të qëndrojnë afër lojtarit.

“Për fat të keq, Arby (Arbenit Xhemajli) pësoi një dëmtim shumë të rëndë në gju ndërsa ishte në grumbullim me Kosovën”.

“Ai do të jetë jashtë për pjesën e mbetur të sezonit dhe është për tu ardhur keq sepse ai ishte ambientuar shumë mirë në klub”.

? Phil Parkinson has confirmed that defender Arbenit Xhemajli has been ruled out for the remainder of the 2020-21 campaign.

— Sunderland AFC (@SunderlandAFC) October 15, 2020

“Ne ndiejmë për të, por ne do t’i japim të gjithë mbështetjen e nevojshme që të rimarrë vetën, si nga ekipi mjekësor ashtu edhe stafi dhe lojtarët”, ka thënë trajneri Parkinson. /Telegrafi/