Qytetarë të shumtë kanë raportuar në redaksinë e Telegrafit se janë duke pranuar mesazhe nga subjektet politike, ku rekomandohet se për cilin kandidat të votohet.
Mesazhet janë dërguar nga Lidhja Demokratike e Kosovës, nga Aleanca për Ardhmërinë e Kosovës dhe nga Partia Demokratike e Kosovës, transmeton Telegrafi.
"I dashur qytetar, kërkoj mirëkuptimin tuaj që nuk patëm rastin të takohemi në fushatën që kaluam. Voto për shtetin, LDK 32 Muharrem Svarqa nr 28", thuhet në njërin nga mesazhet e dërguar nga LDK.
Kurse, AAK në mesazhin drejtuar qytetarëve thotë se Kosova ka nevojë për president të fortë, duke ftuar kështu votuesit që të votojnë Ramush Haradinaj.
"Kosova ka nevojë për një president të fortë, një njeri të dëshmuar, qytetarë zgjedhjen e duhur e keni tek AAK - 135, voto Ramush Haradinaj", thotë mesazhi i AAK-së.
"Kosovës i duhet Rimëkëmbja ekonomike. Bashkohu me ne më 14 shkurt", thuhet në mesazhet e PDK-së.
Të tilla mesazhe, qytetarët kanë pranuar edhe në zgjedhjet e kaluara. /Telegrafi/
