Anëtarët e Komisionit për Mbikëqyrjen e Agjencisë së Kosovës për Inteligjencë sot kanë takuar drejtorin e AKI-së, Petrit Ajeti.
Sipas një postimi të faqës së Kuvendit të Kosovës në rrjetin social Facebook bëhet e ditur se në përmbyllje të sesionit pranveror të Kuvendi ata takuan drejtorin e AKI-së, Ajetin në drejtorinë qendrore të këtij institucioni.
“Anëtarët e Komisionit për Mbikëqyrjen e Agjencisë së Kosovës për Inteligjencë (AKI), në përmbyllje të sesionit pranveror të Kuvendit të Republikës së Kosovës, kryesuar nga kryetarja Ganimete Musliu, takuan drejtorin e AKI-së, Petrit Ajeti, në drejtorinë qendrore të këtij institucioni”, thuhet në postim. /Telegrafi/
