LAJMI I FUNDIT:

Android më i madh se iOS, por jo edhe nga të hyrat

Android më i madh se iOS, por jo edhe nga të hyrat

Android ka pjesëmarrje më të madhe të tregut sesa rivali iOS, mirëpo kur është fjala për të hyrat që gjenerojnë këto platforma mobile, atëherë gjërat ndryshojnë, pasi që iOS mbledh rreth 80 për qind të të hyrave nga aplikacioneve, ndërsa mbetja prej 20 për qind, i takon sistemit operativ Android.

Sipas një raporti të ri thuhet se Android e ka kaluar iOS për numrin e shkarkimeve të aplikacioneve, mirëpo jo edhe për nga të hyrat që mblidhen nga shitja e aplikacioneve. Zhvilluesit e iOS prapseprap bëjnë më shumë para se ata të Android.

Raporti i ri i AppAnnie sugjeron se Google Play Store është rritur me 60 për qind, sa i përket numri të shkarkimeve, të cilat kanë arritur në 150 milionë.

Në anën tjetër, rritja e Apple Store ka arritur në 45 për qind, ose në 100 milionë shkarkime. Rritja e numrit të shkarkimeve në Android vjen pas rritjes së sistemit operativ të Google nga tregjet në zhvillim. /Telegrafi/