Ancelotti: Real Madridi ka cilësinë për të garuar për trofeun e Ligës së Kampionëve

Carlo Ancelotti foli në konferencë për shtyp pas fitores 2-0 të Real Madrid ndaj Interit në Santiago Bernabeu të martën mbrëma.

Trajneri i Los Blancos ishte i kënaqur me paraqitjen e ekipit të tij dhe, megjithëse ai mendon se mbrojtja mund të ushtrojë më shumë presion, ai është i sigurt për shanset e skuadrës së tij në Ligën e Kampionëve të këtij viti.

Por, Ancelotti më pas dha një vlerësim se ku qëndron aktualisht skuadra.

“Ne jemi duke bërë mirë. Jemi në një nivel të lartë dhe tani kemi angazhim më të madh në mbrojtje”, ka thënë fillimisht Ancelotti pas ndeshjes.

Lexo po ashtu Real Madridi mposht Interin, mbyll grupin në vendin e parë

“Ndonjëherë nuk bëjmë presion sa duhet. Jemi mirë, jemi rehat…”.

“Nuk kemi mundësi të mbrohemi në fushë të hapur. Ndonjëherë nuk është aq estetikisht e këndshme, por ne po bëjmë shumë mirë”.

“Ne kemi cilësinë për të fituar La Ligën dhe cilësinë për të konkurruar në Ligën e Kampionëve”.

Lexo po ashtu Notat e lojtarëve, Real Madrid 2-0 Inter: Carvajal më i miri në fushë

“Nuk ka skuadra me cilësi për të fituar Ligën e Kampionëve, por për të konkurruar po. Ka skuadra më intensive, të tjera më cilësore”.

“Ne nuk jemi një ekip intensiv në aspektin mbrojtës, nuk mund të mbrohemi në fushë të hapur, por kemi shumë cilësi, shumë përvojë dhe shumë përkushtim”, përfundoi italiani. /Telegrafi/