Hakim Ziyech do të largohet nga Ajaxi gjatë këtij afati kalimtar veror.
Mesfushori maroken ka pasur një vit të jashtëzakonshëm me gjigantin holandez duke fituar edhe dy trofetë shtetëror, titullin dhe Kupën e Holandës.
E falë paraqitjeve spektakolare si në kampionat ashtu edhe në Ligën e Kampionëve, shumë skuadra janë vënë pas mesfushorit maroken.
Goal.com raporton se lojtari tashmë ka vendosur t’i bashkohet Liverpoolit dhe një gjë të tillë do ta bëjë pas Kupës së Afrikës ku po merr pjesë me Marokun.
Në garë për lojtarin janë edhe skuadra tjera si Roma, Manchester United, Arsenal, Atletico Madrid e Bayern Munich.
Por Ziyech ka preferuar t’i bashkohet Liverpoolit pasi beson se do të arrijë më shumë trofe duke nënshkruar me skuadrën e Jurgen Klopp.
Transferimi i Ziyechit në Anfield do t’i kushtojë Liverpoolit rreth 40 milionë euro. /Telegrafi/