Marina mbretërore e Britanisë së Madhe ka arritur të kryej një shpërthim të kontrolluar të bombës 1200 kilogramëshe nga Lufta e Dytë Botërore, e cila është gjetur në një plazh nga një zhytës që hasi në të derisa po eksploronte bukuritë nënujore.
James Cunningham, 19-vjeç, zbuloi bombën e cila ishte hedhur nga aeroplanët e nazistëve në bregun e Devonit, derisa ishte zhytur në ujë së bashku me xhaxhanë e tij.
Në shikim të parë i është dukur si një objekt i madh që ngjante me kontejnerët e mbeturinave, por kur u afrua e kuptoi se ishte diçka shumë më e rrezikshme.
Cunningham tha se ai dhe xhaxhai i tij dolën shpejt mbi ujë dhe i telefonuan autoriteteve përkatëse.
Njësia për deminim e marinës mbretërore doli në vendin e ngjarjes dhe kreu punën e saj, derisa policia e Devonit evakuoi zonën përreth për shkaqe sigurie. /Telegrafi/
