Zenelaj dëshiron të dëshmohet te Sigal Prishtina
“Jam duke stërvitur maksimalisht për t’u rikthyer në formën time më të mirë. Për momentin ndihem mjaft mirë dhe jam në pritje të rastit për t’i dëshmuar cilësitë e mia”, u shpreh për Arena, Zenelaj.
Ai theksoi se po ndihet mjaft mirë nën urdhrat e trajnerit të ri, Marin Dokuzovski, teksa pret që ta ndihmoj atë në arritjen e synimeve për këtë stinor. “Stërvitjet me trajnerin e ri janë duke shkuar mjaft mirë. Ai e di se çfarë kërkon nga basketbollistët dhe është tejet i përgatitur. Dua ta dëshmoj vetën para tij në mënyrë që të jem pjesë e planeve për suksesin e tij në drejtimin e skuadrës”, theksoi Zenelaj.
Ky i fundit u transferua te Sigal Prishtina në fillim të këtij viti, pasi shkëputi kontratën me RTV 21-shin. Stinorin e kaluar ai u llogarit si zbulimi i vitit, duke qenë një nga shtyllat e suksesit të ‘Teleboysave’, të cilët u futën në ‘play off’. Ai më parë ka veshur fanellën e skuadrës së Bashkimit. /Arena/Telegrafi/