Pas muajsh të mbushur me koncerte dhe angazhime muzikore, këngëtarja e njohur shqiptare, Xhensila Myrtezaj, ka vendosur të marrë një pauzë për t’iu dedikuar familjes dhe relaksit.
Destinacioni i saj këtë herë është Barcelona, një nga qytetet më të bukura dhe më të vizituara të Spanjës.
Në disa fotografi të publikuara në rrjetet sociale, Xhensila shihet e lumtur pranë dy fëmijëve të saj, Ajkës dhe Amenit, ndërsa të tre shfaqen duke shijuar kohën së bashku.
Krahas pamjeve, këngëtarja ka zgjedhur një përshkrim të thjeshtë, por me shumë domethënie: “Faleminderit Zot”.
Këngëtarja, e cila ka vite që është ndër emrat më të dashur të muzikës shqiptare, tashmë është e ndarë nga aktori dhe këngëtari Bes Kallaku, me të cilin ka dy fëmijët.
Edhe pse ndarja e tyre ka qenë shpesh në qendër të vëmendjes mediatike, Xhensila duket e fokusuar tek jeta e saj personale dhe tek roli si nënë, duke treguar se fëmijët mbeten prioriteti i saj kryesor.
Pushimet e saj në Barcelonë kanë marrë vëmendjen e ndjekësve, të cilët e kanë mbushur me komente pozitive. /Telegrafi/