Dana White ka thënë se pensionimi i Conor McGregor nuk ka të bëjë me dëshirën e irlandezit për të pasur aksione në UFC.
Njëri prej yjeve më të famshëm të MMA-së njoftoi të martën se po pensionohet nga artet e përziera marciale, ndërsa pati reagime të ndryshme, disa prej të cilave pohonin se kjo ishte taktikë për ta forcuar pozitën e tij në negociatat për të qenë njëri prej pronarëve të Ultimate Fighting Championship.
Veprime të ngjashme, 30-vjeçari kishte bërë edhe në të kaluarën duke e shfrytëzuar ‘pensionimin’ si një metodë për t’u bërë më i rëndësishëm.
Megjithatë, White thekson se nuk ka ndonjë lidhshmëri ndërmjet lajmit për pensionim dhe dëshirës së Conor për të pasur aksione në UFC.
"Shumë njerëz kanë spekuluar se (njoftimi për pensionim) ka ndodhur për shkak të bisedimeve. Mirëpo, ne nuk kemi negociuar aq fort'.
"Ai e tha atë (se dëshiron aksione në UFC) në Chicago. Unë e pashë (çfarë kishte thënë), ndërsa ai më dërgoi një mesazh në telefon", ka deklaruar White për TMZ. /Telegrafi/