Wanda: Ata ishin në gjendje t'ia merrnin shiritin e kapitenit dhe penalltitë, por jo dhe dëshirën për të luajtur për Interin
Ashtu si çdo fundjavë Wanda Nara ishte e ftuar edhe këtë herë në emisionin e famshëm italian, Tiki Taka.
Edhe një herë gruaja dhe agjentja e Mauro Icardit nuk harroi të thumbojë klubin zikaltër, duke thënë se pavarësisht se 26-vjeçari nuk është kapiten i skuadrës dhe nuk është më gjuajtësi i vetëm i penallti, ai ka ende dëshirë për të luajtur për skuadrën nga Milano.
"Ata ishin në gjendje t'ia merrnin shiritin e kapitenit dhe penalltitë, por jo dhe dëshirën për të luajtur për Interin", ka thënë Wanda për Tiki Taka.
“Icardi ishte i pari që e përshëndeti Perisicin. Ai me shumë mundësi ia kërkoi penalltinë dhe Mauro i tha 'po'. Por, nuk do të thotë se është e nevojshme që ata të jenë shokë", ka shtuar Wanda.
Nuk duhet harruar se në këtë ndeshje që Interi e fitoi me rezultat 3-1, Icardi asistoi te goli i fundit në ndeshje i shënuar nga Matias Vecino. /Telegrafi/