Vrasje në tentativë në Podujevë

Policia e Kosovës ka bërë të ditur për një rast të vrasjes në tentativë në Podujevë, ku një person është lënduar nga një mjet i mprehtë.

Rasti ka ndodhur të hënën, në ora 14:35, ndërsa nga Policia është cilësuar si vrasje në tentativë.

“Është pranuar një informatë për përleshje mes disa personave. Në vendin e ngjarjes është hasur viktima mashkull kosovar i lënduar, i cili dyshohet se është lënduar me një mjet i mprehtë-thikë, dhe i njëjti është dërguar në QKUK për tretman të mjekësor”, thuhet në raport.

Lidhur me rastin janë arrestuar tre të dyshuar meshkuj kosovarë, ku gjatë kontrollit tek të dyshuarit janë gjetur dhe sekuestruar dy mjete të mprehta –thika.

Me vendim të prokurorit dy nga të dyshuarit janë dërguar në mbajtje, ndërsa i treti është liruar në procedurë të rregullt. /Telegrafi/