Vetura që nuk ekziston ende shitet për 20 milionë dollarë

Një Gordon Murray Special Vehicles sapo ka thyer rekord.

Shasia numër një sapo u shit për 20,630,000 dollarë - numri më i lartë ndonjëherë për një veturë të re të shitur në ankand.

Kjo është një shumë mjaft mbresëlënëse, duke pasur parasysh se askush nuk e ka drejtuar atë dhe ajo ende nuk është ndërtuar.

Gordon Murray Special Vehicles planifikon të ndërtojë vetëm pesë ekzemplarë të S1 LM.

Ky ankand është për të parin.

Blerësi do të ketë seanca takimi me vetë Gordon Murray për të përcaktuar se si do të specifikohet vetura.

Do të ketë seanca për zhvillimin e saj, ku pronari mund të japë disa propozime për ekipin e inxhinierisë.

Së fundmi, pronari do të marrë një libër prej 500 faqesh që nxjerr në pah procesin e krijimit të veturës së tij. /Telegrafi/