Vetëm dielli i Sicilisë dhe yjet botërorë janë dëshmitarë: Dua Lipa dhe Callum Turner ftojnë në dasmën e vitit

Gazeta zvicerane “Blick” shkruan mbi dasmën e Dua Lipës dhe Callum Turner. Sipas gazetës zvicerane, nuk pritet të jetë një “po” e heshtur, por një festë dashurie disaditore në hotelin luksoz „Villa Igiea“ në Palermo, një nga adresat më prestigjioze të Italisë.

Ajo është e re, jashtëzakonisht e pasur - dhe gati për përrallën e saj personale të Hollywoodit nën diellin sicilian: sipas mediave italiane, ylli i muzikës pop Dua Lipa (30) dhe aktori Callum Turner (36) do të thonë „sì“ (po) në Sicili gjatë fundjavës së parë të qershorit, shkruan “Blick”.

Sipas gazetës zvicerane, nuk pritet të jetë një “po” e heshtur, por një festë dashurie disaditore në hotelin luksoz „Villa Igiea“ në Palermo, një nga adresat më prestigjioze të Italisë. Pamje nga deti, mure historike, palma që fëshfërijnë në erë - dhe ein skenografi që ngjan më shumë me një set xhirimesh filmi sesa me një çast privat.

Lista e të ftuarve lexohet si një tapet i kuq i yjeve botërorë: legjenda e muzikës Sir Elton John (79), DJ Mark Ronson (51) dhe dizajnerja Donatella Versace (71) qëndrojnë në krye të listës së të ftuarve. Ata do të jenë të pranishëm kur miqtë e tyre të kurorëzojnë dashurinë.

Dua Lipa ka kohë që është më shumë se thjesht një këngëtare e suksesshme. Pasuria e saj vlerësohet në rreth 150 milionë franga. Ajo mbush stadiume në mbarë botën, thyen rekorde klikimesh dhe është imazhi i markave ndërkombëtare të luksit si Chanel dhe Versace.

Callum Turner sjell me vete energjinë e Hollywoodit. Pasuria e Turnerit kap vlerën e rreth pesë milionë frangave. Në industrinë e filmit, ai konsiderohet si një nga kandidatët më të përfolur për epokën e ardhshme të James Bondit.

Fejesa e tyre në fillim të vitit 2025, një vit pasi ata e bënë publike lidhjen e tyre, shkaktoi bujë të madhe. Unaza e saj e zbukuruar me diamant vlerësohet në 300’000 franga. Të dy u njohën gjatë një darke ditëlindjeje të një miku të përbashkët në Los Angeles. Dua Lipa e përshkruan të dashurin e saj si dikë që e mban me këmbë në tokë, ndërkohë që jeta e saj përndryshe përbëhet nga fama, udhëtimet e takimet e shumta. Ai, nga ana tjetër, flet me pasion për një lidhje që nuk mund të shpjegohet, por thjesht ekziston, shkruan “Blick”.

Dua Lipa krenohet hapur dhe me vetëdije për origjinën e saj. Ajo ka lindur në Londër si vajza e prindërve shqiptarë nga Prishtina. Sot, ajo përfaqëson një karrierë që shtrihet mes rrënjëve të Ballkanit, të përditshmes londineze dhe skenës globale botërore, nënvizon mediumi nga Zürichu.

Kur në Palermo të hapen dyert dhe të nisë muzika, nuk do të bëhet më fjalë për pop, film apo pasuri, por për atë çast të vetëm: “po”-në ndaj dashurisë. Në Sicili, ishullin më të madh në Detin Mesdhe. Nën qiellin e ngrohtë, nën shkëlqimin e një dashurie që ka kohë që ka pushtuar skenën botërore.