17/12/2020
Manchester Unitedi është duke menduar që të bëjë ofertë për anësorin e Interit, Ivan Perisic.Il Corriere dello Sport raporton se Djajtë e Kuq planifikojnë t’i kërkojnë shërbimet e futbollistit kroat, i cili i ndihmoi Bayern Munichut ta fitonte tripletën në sezonin e kaluar.
Unitedi ishte lidhur me anësorin që në vitin 2017, ndërsa mund t’i kërkojë sërish shërbimet e tij në afatin kalimtar të janarit.
Mediat në Itali raportojnë se Perisic nuk e ka bindur trajnerin Antonio Conte pas kthimit nga huazimi te bavarezët.
Për këtë arsye, Nerazzurrët janë të gatshëm që t’i dëgjojnë ofertat e klubeve të interesuara në javët e ardhshme. /Telegrafi/