Manchester Unitedi ka shënuar fitore të thellë me rezultat 4-0 në ndeshjen ndaj Norwich Cityt, e vlefshme për javën e 22-të në Ligën Premier.
Djajtë e Kuq kanë arritur t’i kthehen fitores në kampionat pas humbjes nga Arsenali dhe mbesin në hap për pozitën e katërt.
Pjesa e parë e ndeshjes u karakterizuar me dominim të vendasve nga Old Trafford, të cilët përveç rasteve të shumta arritën ta gjejnë edhe golin.
Goli i vetëm në këtë pjesë erdhi në minutën e 27-të të ndeshjes dhe ishte Marcus Rashford, i cili shënoi për 1-0 pas asistimit të Juan Mata.
Në pjesën e dytë, ekipi i Ole Gunnar Solskajer vazhdoi dominimin, por kësaj radhe ishte më të saktë duke shënuar edhe tri gola tjerë.
Rashford (52’) nga penalltia shënoi për 2-0, ndërsa pas vetëm dy minutave ishte Anthony Martial, i cili ngriti epërsinë në 3-0 pas asistimit të Matas.
Goli i fundit dhe i rezultatin përfundimtar 4-0 për Djajtë e Kuq u shënuan në minutën e 72-të me anë të talentit Mason Greenwood.
Me këtë fitore, Unitedi e sheh veten në pozitën e pestë me 34 pikë apo pesë më pak se Chelsea i katërti, ndërsa Norwichi renditet i fundit me 14 pikë.
Në ndeshjen e radhës, Djajtë udhëtojnë për derbin e zjarrtë ndaj rivalit të urryer, Liverpoolit, ndërsa Norwichi e pret Bournemouthin. /Telegrafi/
https://twitter.com/noormadey160/status/1216020361919320064
https://twitter.com/Sh3raz01/status/1216033845855817729
https://twitter.com/golazofootball9/status/1216035965317218304