Manchester Unitedi e ka eliminuar Chelsean nga Carabao Cup, pasi ndeshja përfundoi 1-2 në Stamford Brdige.
Pjesa e parë nuk ishte ritëm të lartë edhe pse Djajtë e Kuq arritën të kalonin në epërsi me anë të Marcus Rashford që shënoi nga pika e bardhë në minutën e 25-të.
45-minutëshi i dytë kishte më shumë raste dhe të dy skuadrat zhvilluan lojë më të hapur.
Michy Batshuayi e ktheu Chelsean në lojë në minutën e 61-të, pasi i barazoi shifrat në 1-1 me një gol të bukur nga distanca.
Por, skuadra e Ole Gunnar Solskjaer filloi të zhvillonte lojë më sulmuese dhe riktheu epërsinë.
Rashford e kaloi përsëri Unitedi në epërsi me golin e shënuar në minutën e 73-të, për t’i mundësuar kështu skuadrës së tij që të kalonte në rrethin tjetër të Carabao Cup. /Telegrafi/