Tentim vrasje në Ferizaj, Policia në kërkim të personit të dyshuar

Një tentim vrasje ka ndodhur ditën e shtunë në Ferizaj.

Siç njofton Policia, një person derisa ishte në veturë është sulmuar me armë zjarri nga një i dyshuar.

"Viktima mashkull kosovar ka raportuar se përderisa ka qenë ne veturë me dy shokë, ka ardhur një veturë tjetër nga e cila një i dyshuar mashkull kosovar ka shtënë me armë zjarri në drejtim të veturës së tyre, dhe ka ikur nga vendi i ngjarjes. Viktimës iu është ofruar tretman mjekësor dhe sipas mjekut viktima ka pësuar lëndime nga copëzat e xhamit si pasoj e shkrepjes me armë. Njësitë relevante policore kanë dalur në vendin e ngjarjes ku kanë gjetur dhe sekuestruar tre gëzhoja", njofton Policia.

I dyshuari ende nuk është hasur nga njësitë policore. Rasti në procedurë hetimore. /Telegrafi/