28/04/2025
Sydney Sweeney u shfaq në humor festiv gjatë Stagecoach Festival, ku festoi krah Paris Hilton dhe Lizzo.
Aktorja 27-vjeçare, e veshur me një korse nudo me lule të bardha dhe çizme, ndau buzëqeshje dhe momente të lumtura me Hilton, e cila performoi një DJ set.
Pamjet u ndanë në rrjetet sociale, ku Paris shkroi: “@Stagecoach nuk do të jetë kurrë i njëjti!”, shkruan DailyMail.
Ky moment vjen pas raportimeve se Sweeney ka përfunduar përfundimisht marrëdhënien me ish-të fejuarin Jonathan Davino.
Megjithëse u panë së fundmi bashkë në Florida, burimet konfirmojnë se ishte një takim miqësor në një festë për zbulimin e gjinisë së një miku të përbashkët.
Çifti i dikurshëm, të cilët u fejuan në 2022, thuhet se janë ndarë që prej janarit. /Telegrafi/
