Ylli i Milanit, Suso ka pranuar se ka pasur kontakte me Atletico Madridin dhe se ai mund të kthehej në Spanjë në secilën nga dy verat e fundit.
Suso ka një klauzolë lirimi prej 38 milionë eurosh në kontratën e tij, e cila është e vlefshme për klubet e huaja në dy javët e para të korrikut.
Zërat për një largim nga San Siro nuk janë ndalur asnjëherë dhe njërën nga ofertat e ka zbuluar edhe vet Suso.
"Është e vërtetë, ka pasur kontakte me Atletico Madridin", ka thënë fillimisht Suso për Radio Es.
"Në dy verat e fundit unë kam pasur mundësi për t'u kthyer në Spanjë", përfundoi ylli i Milanit.
Ndryshe, Suso është lojtari më i rëndësishëm i Milanit në dy sezonet e fundit.
Në këtë sezon, sulmuesi anësor spanjoll ka pesë gola dhe tetë asistime në 15 ndeshjet deri më tani.
Interesim për yllin e Rossonërëve kanë shprehur edhe Chelsea dhe Real Madridi. /Telegrafi/