Specifikat e telefonit Motorola Edge +, i lansuar tanimë në disa tregje të caktuara
Motorola Edge+ (2023) është lansuar në tregje të zgjedhura të martën (2 maj).
Celulari i ri ka të njëjtat specifika si Motorola Edge 40 Pro që u lansua në Evropë muajin e kaluar, transmeton Telegrafi.
Smartphone i ri i serisë Edge mundësohet nga një SoC Snapdragon 8 Gen 2, i shoqëruar me 8 GB RAM dhe 512 GB hapësirë ruajtëse në bord.
Motorola Edge+ (2023) përmban një ekran pOLED 165Hz me mbështetje Dolby Vision dhe shfaq kamera të trefishta në pjesën e pasme. Mbështetet nga një bateri 5,100 mAh me mbështetje për karikim të shpejtë me tel 68W dhe karikim me valë 15W.
Çmimi i Motorola Edge+ (2023) është caktuar në 799,99 dollarë për variantin e vetëm 8 GB RAM + 512 GB memorie në SHBA.
Telefoni vjen në nuancën Interstellar Black dhe do të dalë në shitje në tregjet amerikane dhe kanadeze duke filluar nga 25 maji. /Telegrafi/