Trajneri i Manchester Unitedit, Ole Gunnar Solskjaer synon edhe tre nënshkrime më shumë këtë afat kalimtar të verës.
Mediumi anglez Evening News Manchester raporton se tre lojtarë janë në radarin e Unitedit për t'u transferuar.
I pari në listën e Djajve të Kuq është shumë i dëshiruari, mbrojtësi i Leicester Cityt, Harry Maguire.
Djajtë e Kuq kishin një ofertë të madhe prej 70 milionë funtesh më parë këtë javë, por kjo ofertë u refuzua nga Leicesteri.
Mbetet për t'u parë nëse Unitedi do të bëjë edhe ndonjë ofertë tjetër për të, por Solskjaer është e etur për ta ndërtuar mbrojtjen rreth tij.
Lojtari i dytë i preferuar për Solskjaerin vjen përsëri nga Liga Premier dhe është i Newcastle United, Sean Longstaff.
Ndërsa i treti i preferuar nga klubi nga Old Trafford vjen nga skuadra portugeze, Sporting Lisbona dhe është mesfushori Bruno Fernandes. /Telegrafi/