Futbollisti Sergio Ramos është goditur me një gjobë prej gjashtë shifrash për prerjen e pemëve shekullore në Madrid.
Autoritetet në kryeqytetin spanjoll miratuan njëzëri gjobën të premten, shkruan The Sun, transmeton Telegrafi.
Pretendohet se kompania e mbrojtësit të Real Madridit ka prerë nga 50 deri në 90 pemë të llojeve: pisha, lisë dhe plep në lagjen La Moraleja.
EFE raporton se kompania e Ramosit, “Aguilena de Inversiones Sociedad Anonima”, do të duhet të dorëzojë 225,000 funte dhe të riprodhojë tri herë më shumë pemë se sa ato që kanë prerë - në varësi të një apeli të mundshëm.
Pemët e prera u dërguan në një ngastër toke që 33-vjeçari bleu për të ndërtuar shtëpinë e tij.
Shtëpia, në të cilën ai jeton me gruan e tij Pilar Rubio dhe fëmijët e tyre, u ble dy vjet më parë dhe iu nënshtrua një ridizajnimi të plotë që i përshtatet shijeve të tyre.
Një fqinj pastaj thirri policinë kur Ramos preu pemët, disa prej të cilave ishin shekuj të vjetra. /Telegrafi/