Klubi anglez, Chelsea janë duke shikuar për një marrëveshje me Barcelonën për mesfushorin e tyre, Denis Suarez.
Mesfushori spanjoll po luan pak nën urdhrat e Ernesto Valverdes këtë sezon dhe kjo nuk po i pëlqen aspak.
Kjo pasi, ai këtë sezon ka luajtur vetëm tetë minuta në La Liga.
Suarez ka deklaruar gjithashtu se nuk është i lumtur me situatën e tij te Barcelona dhe mund të largohet nga Camp Nou.
Megjithatë, nuk mungojnë skuadrat të cilat e duan spanjollin në radhët e veta.
Sipas mediumit italian Calciomercato, Chelsea po shikon mundësinë e transferimit të Suarezit në Stamford Bridge.
Ky medium raporton gjithashtu se trajneri i Bluve, Maurizio Sarri është tifoz i madh i lojës së 24-vjeçarit.
Suarez thuhet se mund të kalojë si huazim gjashtëmujor te Chelsea në janar, ndërsa Cesc Fabregas të lëviz në drejtim të Milanit. /Telegrafi/