Arsenali ka pësuar humbje me rezultat 3-1 në ndeshjen e parë në Ligën e Evropës përballë Rennes.
Skuadra angleze kaloi e para në epërsi në minutën e katërt kur shënoi gol Alex Iwobi.
Por Rennes u kundërpërgjigj mjaftë mirë duke shënuar tre gola me Benjamin Bourigeaudin, Monrealin që shënoi autogol dhe Ismaila Sarr.
Paraqitje të jashtëzakonshme në këtë takim për vendasit pati sulmuesi Hatem Ben Arfa, që morri edhe notën më të lartë.
Ndërsa me lojë të mirë u dalluan edhe Benjamin Bourigeaudi e Ismaila Sarr që ishin edhe realizues.
Granit Xhaka për mysafirët pati një paraqitje solide, ndërsa Shkodran Mustafi nuk ishte në ditën e tij më të mirë.
Lojtari me notën më të dobët në këtë takim ishte greku Sokratis që u ndëshkua edhe me karton të kuq. /Telegrafi/
