Tyson Fury tani renditet i pari në ranglistën e boksierëve të peshave të rënda në botë duke lënë pas vetes emra të mëdhenj si Deontay Wilder dhe Anthony Joshua.
Sipas revistës së njohur të boksit Ring Magazine, Fury, boksieri i vetëshpallur 'Gypsy King' ka rrëzuar bashkëkombësin e tij Joshua nga froni në ranglistën botërore pas disfatës së tij shokuese ndaj Andy Ruiz Jr në New York të shtunën.
Joshua pësoi humbjen e tij të parë profesionale ndërsa humbi gjithashtu katër titujt e tij të botës në peshat e rëndë të boksit.
Kjo humbje i ka kushtuar shumë Joshuas, pasi tani ka humbur edhe pozitën e parë dhe gjendet vetëm në vendin e katërt.
Wilder, i cili mban titullin WBC, renditet i dyti, ndërsa amerikani ka të planifikuar luftën ndaj Luis Ortiz pas shkatërrimit që i bëri Dominic Breazeales në maj.
Ruiz Jr shënon renditjen më të mirë në karrierë, pasi renditet i treti në divizionin e peshave të rënda.
Më poshtë keni renditjen e boksierëve të peshave të rënda nga "Ring Magazine":1.Tyson Fury2.Deontay Wilder3.Andy Ruiz Jr4.Anthony Joshua5.Dillian Whyte/Telegrafi/
