Sipas një raporti të medieve spanjolle, Real Madridi ka arritur një marrëveshje verbale për të nënshkruar me mbrojtësin brazilian të Portos, Felipe Monteiro.
Gazeta e njohur spanjolle ‘AS’, e sheh transferimin e 27-vjeçarit brazilian në Bernabeu si çështje të kthyer pasi sipas tyre është rënë dakord nga të gjitha palët.
Qendërmbrojtësi brazilian do të vjen të zëvendësojë Pepen në skuadrën e Madridit, me kontratën e reprezentuesit portugez që skadon këtë verë dhe ende nuk ka marrë ofertë nga klubi për një zgjatje një-vjeçare .
Monteiro u bashkua me Porton verën e kaluar pas një qëndrimi pesëvjeçar në Corinthians dhe ka shkëlqyer në sezonin e tij të parë në futbollin evropian, duke impresionuar agjentët e Realit, të cilët kanë gjurmuar progresin e tij në muajt e fundit.
Mbrojtësi qendror ka luajtur 24 ndeshje për ‘Dragonët’ këtë sezon dhe shfaqjet e tij mbresëlënëse i kanë fituar atij një thirrje në skuadrën kombëtare të Brazilit.
Raporti gjithashtu thekson marrëdhëniet e mira mes dy klubeve dhe se gjigantët portugez do të jenë të gatshëm për të shitur lojtarin, për të ndihmuar vetën që të pastrojnë borxhin e tyre të konsiderueshëm.
Çmimi i futbollistit nuk është përmendur askund, por besohet që Porto nuk e lëshon lojtarin nën shifrat e 25-30 milionë eurove. /Telegrafi/