Qeveria miraton Projektligjin për liritë fetare në Kosovë
30/09/2016
Qeveria e Kosovës në mbledhjen e sotme ka miratuar Projektligjin për liritë fetare në Kosovë.
Zëvendëskryeministri, Hajredin Kuçi tha se qëllim i këtij projektligji është që të rregullohet statusi i Bashkësive fetare, të cilave do tu pranohet statusi juridik.
“Kosova do të respektojë bashkësitë fetare duke i njohur përfaqësuesit e tyre. Por gjithmonë duke e ruajtur shtetin laik. Ky projektligj nuk ka implikime buxhetore. Me këtë Projektligj do të rregullohet në mënyrë të drejtë dhe të denjë çështja fetare në Republikën e Kosovës”, tha Kuçi.