09/07/2022
Mijëra protestues në kryeqytetin e Sri Lanka-s, Kolombo, kanë vërshuar në rezidencën e presidentit.
Pamjet nga BBC tregojnë demonstruesit duke notuar në pishinën e presidentit Gotabaya Rajapaksa.
Protestuesit kanë kërkuar dorëheqjen e tij pas muajsh protestash për krizën ekonomike të Sri Lanka-s, transmeton Telegrafi.
Vendi po përballet me inflacion të shfrenuar si dhe po ballafaqohet me vështirësi në importimin e ushqimeve, karburantit dhe ilaçeve.
OKB-ja të premten u kërkoi autoriteteve dhe protestuesve të sigurojnë që tubimi i së shtunës të ishte paqësor. /Telegrafi/