Princi Harry bën një vizitë të papritur në Ukrainë: Luftën nuk e ndalim dot, por mund të ndihmojmë  njerëzit

Princi Harry ka bërë një vizitë surprizë në kryeqytetin ukrainas të Kievit.

Harry, i cili shërbeu 10 vjet në Ushtrinë Britanike, vizitoi qytetin me ftesë të qeverisë ukrainase.

Duka i Sussex udhëtoi për në kryeqytet për të ndihmuar në rikuperimin e personelit ushtarak të plagosur rëndë në luftën trevjeçare me Rusinë.

Sekretarja e Jashtme Yvette Cooper do të udhëtojë gjithashtu për në Kiev, në atë që do të jetë udhëtimi i saj i parë jashtë vendit që kur u emërua në këtë detyrë javën e kaluar.

"Nuk mund ta ndalojmë luftën, por ajo që mund të bëjmë është të bëjmë gjithçka që mundemi për të ndihmuar procesin e rimëkëmbjes.”

Harry, i cili shërbeu dy herë në Afganistan, udhëtoi më parë në Ukrainë në prill, kur vizitoi viktimat e luftës si pjesë e punës së tij me veteranët e plagosur.

Princi vizitoi Qendrën Superhumans, një klinikë ortopedike në Lviv që trajton dhe rehabiliton personelin ushtarak dhe civilët e plagosur.

Më parë këtë javë, ai tha se Mbreti është "i shkëlqyer" pasi u ribashkua me të në Clarence House për një çaj privat.

Ishte takimi i tyre i parë në 19 muaj dhe zgjati vetëm 54 minuta.

Herën e fundit që babai dhe djali u panë me njëri-tjetrin ishte në shkurt të vitit 2024, kur princi fluturoi për në Mbretërinë e Bashkuar pasi monarku njoftoi diagnozën e tij me kancer.

Ndryshe, Harry dhe gruaja e tij Meghan Markle kanë jetuar në Kaliforni që kur hoqën dorë nga rolet e tyre si anëtarë të lartë të familjes mbretërore në mars të vitit 2020. /Telegrafi/