Presidentja Jahjaga nderon Xhakën me medaljen ‘Ambasador Nderi’

“Presidentja Jahjaga e përgëzoi Granit Xhakën për punën e tij, për sukseset që ka arritur në fushën e sportit të futbollit dhe theksoi se të rinjtë nga Kosova po bëhen ambasadorë të shtetit të tyre dhe po tregojnë vlerat e tyre kudo në botë”, është thënë në njoftimin e zyrës së Presidencës së Kosovës.

Sipas këtij njoftimi, sportisti nga Kosova, Granit Xhaka e falënderoi Presidenten për titullin me të cilin e ka nderuar si ‘Ambasador Nderi’ të Kosovës dhe tha se do të vazhdojë të kontribuojë për vendin e tij edhe në të ardhmen. /KP/Telegrafi/