Pas disa orësh bllokimi në urën që lidh qytetin e Niteroi me Rio de Janeiro, një rrëmbyes, i cili po mbante peng më shumë se tridhjetë persona në një autobus, u qëllua nga një snajper policie.
Kështu raportojnë mediat e huaja, përcjell Telegrafi, sipas të cilave pengjet janë lëshuar të palënduar dhe rrëmbyesi vdiq gjatë rrugës për në spital, sipas policisë.
Sipas policisë, rrëmbyesi kishte një thikë, një armë Taser dhe një enë plot me materiale të ndezshme.
Rrëmbyesi gjithashtu me sa duket kishte një pistoletë që policia më vonë konfirmoi se ishte një armë lodër.
Ndryshe, gjatë ditës së martë mediat kanë raportuar se një njeri i armatosur që dyshohet të jetë një oficer i policisë ushtarake ka rrëmbyer një autobus në një urë kryesore pranë Rio de Janeiro të Brazilit.
Po siç ishte raportuar, policët kanë mbërritur në vendngjarje por i armatosuri po kërcënonte t’i vërë zjarrin autobusin.
Trafiku në Urën Rio-Niterói ishte mbyllur dhe policia ushtarake është dërguar gjithashtu për të trajtuar situatën. /Telegrafi/