Shtëpitë filmike, Paramount dhe Anonymous Content, i kanë blerë të drejtat për shfrytëzimin e romanit "Is There Still Sex in the City?", të shkrimtares Candace Bushnell, e cila është autorja e serialit "Sex and the City".
Deadline bën të ditur se ngjarja zhvillohet në Manhattan dhe përcjell jetën e femrave në New York, duke përfshirë miqësinë, dashurinë, martesën dhe jetën seksuale.
Dallimi kryesor ndërmjet projektit të ri dhe serialit bazë është se femrat paraqitet në moshë pesëdhjetë dhe gjashtëdhjetëvjeçare.
Krahas të qenit autore, Candice Bushnell do të marrë edhe rolin e producentes ekzekutive të serialit, së bashku me Liza Chasin (3dot Productions) dhe Robyn Meisinger (Anonymous Content).
"Më herët nuk ka qenë kështu. Dikur të pesëdhjetat kanë nënkuptuar fillimin e pensionimit, zvogëlimin e punës, shpenzimin e kohës me hobi dhe me miq, të cilët po ashtu si ju kanë nisur të bëjnë jetë më të qetë", ka thënë Bushnell duke shpjeguar se në kohët e sotme kanë ndryshuar gjërat dhe qasja ndaj jetës. /Telegrafi/