Për herë të parë këndohet himni i Ligës së Kampionëve në Kosovë (Video)
04/07/2017
Himni i Ligës së Kampionëve është kënduar për herë të parë në stadiumet kosovare, para ndeshjes ndërmjet Trepçës ’89 dhe Vikingur.
Kjo është hera e parë në histori të futbollit kosovar që një skuadër kosovare merr pjesë në kualifikimet për Ligën e Kampionëve, garën më të madhe në botë për klube.
Para takimit u këndua edhe himni i Championsit në stadiumin ‘Adem Jashari’, që ishte pritur me vite në Kosovë.
Trepça ’89 ndeshjen e parë e kishte humbur me rezultat 2-1 dhe sot i duhet vetëm fitorja në Mitrovicë.