Nuk do të ketë më ''Ditë të drurit'' në Maqedoni
07/11/2017
Qeveria e Maqedonisë ka sjellë vendim për të hequr nga përdorimi shënimin e ditës për mbjelljen e drunjve në gjithë territorin e Maqedonisë që është njohur si ''Dita e drurit'', shkruan Telegrafi Maqedoni.
Deri tani, sipas shërbimeve qeveritare, janë mbjellur rreth 35 milionë drunj ndërsa suksesshmëria e këtij aksioni është nga 0 deri në 15% të drunjve të mbjellë.
Në vend të këtij aksioni nga Qeveria e Maqedonisë thonë se do të mendojnë dhe bëjnë aksione tjera për të shtuar pjesën e gjelbërt në gjithë pjesët e vendit.
Përndryshe, kjo ditë trajtohej si festë në Maqedoni pasi të gjithë institucionet ishin të obliguar të mungojnë në punë që të mbjellin fidane. /Telegrafi/