Neptun reagon për lojën shpërblyese në rrjetet sociale: Mos bini pre e mashtrimeve, nuk jemi ne

Neptun Kosova ka dalë me një njoftim sqarues pas shpërndarjes së një loje shpërblyese në emër të kompanisë kinse për të dhënë dhurata.

Neptun thotë se kjo lojë është e rreme dhe nuk ka asnjë lidhje me kompaninë.

Kompania ka kërkuar nga konsumtorët që të jenë të kujdesshëm dhe mos të bien pre e mashtrimeve të tilla.

“Të dashur konsumatorë,Dëshirojmë t'ju informojmë se një lojë e rreme është krijuar në emër të Neptun dhe po qarkullon në rrjetet sociale.Për të garantuar sigurinë tuaj dhe integritetin e kompanisë sonë, ju kërkojmë që të mos bini pre e mashtrimeve të tilla.E vetmja lojë shpërblyese e vërtetë është ajo që ne kemi promovuar në kanalet tona zyrtare ku shpërblimi i madh është banesë në Prishtinë ndjekur nga komunikimi që gjeni edhe në dyqanet tona.Faleminderit për mirëkuptimin tuaj”.