Ndryshon kabineti qeveritar në Shqipëri, kush do të jenë shtatë ministrat e rinj
Socialistët, në mbledhjen e Asamblesë, kanë zgjedhur sekretariatin e ri, si dhe janë informuar për ndryshimet në qeveri.
Kryeministri i Shqipërisë Edi Rama prezantoi gjatë mbledhjes së Asamblesë Kombëtare të PS-së ndryshimet në kabinetin qeveritar.
Ndryshimet e bëra:
Ministër i Financave dhe Ekonomisë emërohet Ervin MeteMinistri për Evropë dhe punët e Jashtme emërohet Igli HasaniMinistër i Arsimit dhe Sportit, Ogerta ManastirliuMinistri i Bujqësisë, Anila DenajMinistër i Shëndetësisë dhe Mbrojtjes Sociale, Albana KoçiuMinistër Shtetit për Sipërmarrjen, Delina IbrahimajMinistër Shteti për pushtetin vendor, Arbian Mazniku.
Kryeministri shqiptar dhe njëherësh kryetari i PS, Edi Rama në fjalën e tij drejtuar sot Asamblesë Kombëtare të PS-së, paraqiti sot kandidaturat edhe për Sekretarët e rinj të PS.
Sekretari i Organizimit, Ardian Çela.
Sekretar i Burimeve Njerëzore Eduard Ndreca.
Sekretare e Gruas, Evis Kushi.
Sekretar Dixhital dhe i Rinisë Etjen Xhafaj.
Sekretare e Marrëdhënieve me Jashtë, Romina Kuko.
Sekretar i Çështjeve Zgjedhore, Eridjan Salianji.
Sekretare e Programit, Milva Ekonomi.
Gjatë fjalës së tij në Asamblenë Kombëtare të PS-së, kërkoi sot angazhim më të madh për të forcuar më tej imazhin e ri të vendit në turizëm.
Sipas tij, rreziku i humbje së ekuilibrit mes të ardhurave masive që turizmi sjell dhe shpenzimet, është një kërcënim real me të cilin duhet të merremi që sot./Telegrafi/