Skena të pabesueshme kanë ndodhur dje në futbollin anglez.
Po zhvillohej ndeshja mes Sheffield Wednesday dhe Preston dhe vendasit ishin duke fituar me rezultat minimal 2-1.
Por në minutat e fundit të ndeshjes ndodhi ajo që pak kush e priste në stadium.
Një përleshje mes dy futbollistëve të Prestonit, jo me kundërshtarët po me njëri tjetrin.
Në këtë përleshje u përfshinë dy sulmuesit, Jermaine Beckford dhe Eoin Doyle i cili ishte edhe autori i golit të vetëm për Preston.
U desh ndërhyrja e shokëve të skuadrës që mos të bëhej përleshja edhe më e madhe dhe të kalonte në grushte.
Gjithsesi gjyqtari kryesor i ndeshjes ndëshkoi dy lojtarët me karton të kuq dhe i largoi nga loja.
Fati i mirë për Preston ishte se po luhej minuta e 90-të dhe largimi i dy lojtarëve nuk ndikoi në lojë. /Telegrafi/