Mustafa: Austria partner strategjik i Kosovës edhe pas zgjedhjes së Bellenit

Kryeministri i Republikës së Kosovës, Isa Mustafa, ka uruar presidentin e porsazgjedhur të Austrisë, Alexander Van der Bellen.

“Shpreh bindjen time të plotë se me presidentin Van der Bellen në krye, Republika e Austrisë do të vazhdojë të jetë partner i rëndësishëm strategjik i Republikës së Kosovës, me theks të posaçëm në rrugën integruese evropiane”, ka thënë kryeministri Mustafa, duke i uruar suksese në detyrën e tij presidentit të ri të Austrisë, Alexander Van der Bellen.