Mediumit i njohur italian, Sky Italia raporton se Alvaro Morata do të pranonte një kalim te Milani, por Chelsea kërkon rreth 65-70 milionë euro.
Rossonerët janë të etur për të nënshkruar me një sulmues të nivelit të lartë këtë afat kalimtar të verës.
Morata është në listë si më i kërkuari, ndërsa Rossonerët gjithashtu janë lidhur edhe me Gonzalo Higuainin e Juventusit.
Eksperti italian i transferimeve, Gianluca Di Marzio, ka raportuar në Sky se menaxher i ri i Rossonerëve, Leonardo, ka kontaktuar me entuziazëm Moratan.
Ish-sulmuesi i Juventusit është i gatshëm të kthehet në Itali dhe do të pranonte këtë lëvizje, por çmimi i tij mund të jetë problem.
Blutë e Londrës do të duhej të ulin çmimin e kërkuar prej 65-70 milionë euro për të finalizuar këtë transferim.
Higuain mbetet një opsion, ndërsa Radamel Falcao i Monacos mbetet si emër i tretë në listën e ngushtë të dëshirave.
Leonardo ka qenë në kontakt me Atletico Madridin për Nikola Kalinic, me sulmuesin kroat që është afër të largohet pas një viti në San Siro. /Telegrafi/