Mbi 23 mijë nxënës i nënshtrohet sot pjesës së dytë të Testit të Arritshmërisë
11/07/2023
Në pjesën e dytë të Testit të Arritshmërisë, 23 mijë e 632 nxënës do të vlerësohen për arritjet, njohuritë, shkathtësitë dhe aftësitë e fituara gjatë shkollimit të tyre.
Në këtë pjesë, nxënësit do t’i nënshtrohen testit në lëndët Matematikë, Informatikë, Fizikë, Kimi dhe Biologji.
Në mbajtjen e pjesës së parë të Testit të Arritshmërisë, ministrja e Arsimit, Arbërie Nagavci ka bërë të ditur se testi mbahet në 176 qendra të testimit.
Ajo kishte thënë se pret respektim të rregullave në mënyrë që rezultatet të jenë reale.