Maqedoni, deri më tani janë vaksinuar gjithsej 1.102 fëmijë
07/01/2019
Nga Ministria e Shëndetësisë deklarojnë se deri në orën 13:00 me vaksina MRP janë vaksinuar 23 fëmijë.
Deri më tani gjithsej janë vaksinuar 1.102 fëmijë. Për momentin nuk ka konfirmime për raste të reja e të infektuarve nga fruthi, njoftojnë nga Ministria e Shëndetësisë dhe gjithashtu bëjnë thirrje që t'i vaksinojnë fëmijët e tyre.
MRP vaksinat janë të kualitetit të lartë, prodhim i kompanisë Gllasko Smit Klajn nga Belgjika.
Qendrat e vaksinimit në poliklinika "Bukuresht", "Bit Pazar" dhe "Jane Sandanski" do të punojnë edhe nesër me dy ndërrime, nga ora 07:30 deri në orën 19:00./Telegrafi/