Grupi H këtë të martë na ka servuar një ndeshje mjaft të bukur, atë mes Manchester Unitedit dhe Valencias.
Skuadra e Jose Mourinho po kalon në një periudhë jo të mirë, kurse ajo spanjolle pasi humbi në ndeshjen e parë ndaj Juventusit, tani kërkon fitoren me çdo kusht.
Special One duket se në këtë përballje do të lejë inatet anash dhe do të luajë nga minuta e parë me Paul Pogban, ndërsa Marcus Rashford është favorit para Alexis Sanchez.
Romelu Lukaku vazhdon të jetë i padiskutueshëm në qendër të sulmit, ndërsa më poshtë keni formacionet e mundshme:
Man Utd (4-3-3): De Gea; Valencia, Smalling, Lindelof, Shaw; Fellaini, Matic, Pogba; Martial, Lukaku, Rashford.
Valencia (4-4-2): Neto; Vezo, Garay, Diakhaby, Gayà; Guedes, Parejo, Kondogbia, Cheryshev; Rodrigo, Gameiro.
Në Grupin H janë Djajtë e Kuq që renditet të parët në grup me tre pikë, aq sa Juventusi, kurse Valencia dhe Young Boys kanë zero pikë. /Telegrafi/