Malisheva arrin marrëveshje me Sokolin për postin e trajnerit

Malisheva ka njoftuar se ka arritur marrëveshje që Bylbyl Sokoli ta drejtojë skuadrën.Lajmi është bërë i ditur përmes faqes zyrtare të klubit në Facebook, ku shkruan:“Bylbyl Sokoli është padyshim njëri nga trajnerët më të mirë në Kosovë. Ka një përvojë impresive ku ka menaxhuar Top Klubet Kosovare si Prishtina, Gjilani e Llapi”.“Gjatë përvojës së tij si trajner, ai u mësoi sportistëve disiplinë, punë të palodhur dhe përkushtim dhe kjo reflektohet jo vetëm në performancat e tyre në lojë e stërvitje, por edhe në qëndrimet e tyre në jetën e përditshme”.“Aftësitë e tij të shkëlqyeshme të organizimit dhe menaxhimit së bashku me pasionin e tij për përsosmëri janë motivuese”.“Arritja e marrëveshjes me trajnerin Sokoli është mjaft emocionuese për klubin tonë dhe presim që së bashku të jemi pjesë e suksesit të ardhshëm të klubit”.“Trajnerit i urojmë mirëseardhje në klub dhe presim me padurim të punojmë me të”.