Presidenti i Lazios, Claudio Lotito, ka thënë se skuadra e tij mund t’i realizojë disa ëndrra, pas triumfit ndaj Juventusit në Superkupën e Italisë.
Biancocelestët e fituan Kupën e Italisë në muajin maj, ndërsa të dielën mbrëma fituan ndaj Zonjës së Vjetër për ta fituar edhe Superkupën shtetërore.
Ata fituan me rezultat 3-1, me golat e Luis Alberto, Senad Lulic e Danilo Cataldi, kundrejt golit të Paulo Dybalas.
“Është një fitore tërësisht e merituar nga një skuadër që luajti me zemër, cilësi dhe forcë. E dominuam gjithë sfidën dhe kjo ndeshje ishte dëshmi se mund të konkurrojmë me këdo dhe t’i gëzojmë tifozët tanë”.
https://telegrafi.com/lazio-e-thomas-strakoshes-mposht-juventusin-dhe-fiton-superkupen-e-italise/
“Të gjithë i kemi rolet tona dhe japim kontribut në suksesin e klubit. Është një familje e madhe dhe unë jam figura e babait”.
“Nëse kjo skuadër mund të qëndrojë me këmbët në tokë, mund t’i realizojë disa ëndrra”, ka deklaruar Lotito për Lazio Style Channel. /Telegrafi/