30/05/2020
Data 30 maj do ta kthejë në kujtime mjaft të hidhura reperen e njohur shqiptare, Loredana Zefi.
Kjo pasi një vit më parë pikërisht në këtë datë, ka ndërruar jetë babai i saj.
Reperja me prejardhje nga Ferizaj u zgjua me një përkujtim për të atin e ndjerë në njëvjetorin e vdekjes së tij.
Ajo publikoi në InstaStory një fotografi të babait të saj, duke shprehur mallëngjimin e saj për të.
“Sot 1 vit pa ty baba dhe disi je gjithmonë këtu”, shkroi rep-artistja në mbishkrimin e fotografisë në InstaStory.
Loredana përndryshe njoftoi fansat e saj së fundmi se ka rritur çmimin e biletave për koncertet e saj, pas anulimit të shumë prej tyre gjatë muajve që shkuan, shkaku i pandemisë globale. /Telegrafi/
