Drejtori sportiv i PSG-së, Leonardo ka folur hapur rreth situatës së Edinson Cavanit, duke e konfirmuar kërkesën e tij për largimin drejt Atletico Madridit.Leonardo e konfirmoi po ashtu që klubi ka marr një ofertë, por sipas tij është e ulët. L’Equipe ka raportuar se bëhet fjalë për 10 milionë euro, por që është refuzuar. “Kemi shpresuar që Cavani do të vijonte me ne, por na ka kërkuar të largohet. Po e studiojmë si situatë”.
“Kemi marrë një ofertë nga Atletico Madridi, por nuk është në nivelin e lojtarit. Nuk i kemi vendosur kurrë një çmim Cavanit, e respektojmë dëshirën e tij”.“Duhet të jemi të qartë: sulmuesi dëshiron të largohet”. “Zëvendësuesit e tij? Kemi Julian Draxler dhe shumë lojtarë të tjerë që mund të bëjnë rolin e numrit 9”, ka thënë Leonardo.
Kontrata e “El Matador” përfundon në verë dhe PSG nuk mund ta humbasë falas. /Telegrafi/